Филипче: Притвореникот кој почина во затворот во Шутка е негативен на коронавирусот (ВИДЕО)
Го предвидовме ова, сите процеси остануваат во координација, со сите претставници на институциите, ќе бидам достапен за медиумите. Ризикот е многу мал, но јас останувам во излолација. Ова е начинот на кој треба да се постапува- рече Филипче.
Министерот за здравство, Венко Филипче, кој од денеска е во самоизолација, од својот дом одржува редовна онлајн прес-конференција на која ќе ги изнесе најновите податоци за новозаболните пациенти со Ковид-19.
-Го предвидовме ова, сите процеси остануваат во координација, со сите претставници на институциите. Ќе бидам достапен за медиумите. Ризикот е многу мал, но јас останувам во излолација, ова е начинот на кој треба да се постапува- рече Филипче.
Од Инфективната клиниката се испишани 5 оздравени пациенти, рече Филипче, а денеска се регистрирани и 18 оздравени пациенти кои се лекуваа во домашни услови, а кои по два контролни теста се негативни на коронавирусот.
-За жал на Клиниката за инфективни и фебрилни состојби почина пациент од Струшко на возраст од 50 години кој беше хоспитализиран на 27 март, а само еден ден подоцна заради влошување на состојбата поставен на механичка вентилација. Во Во изминатите 24 часа се потврдени 107 нови случаи на Ковид-19- рече Филипче.
Денешната бројка на заболени не нè изнедани, ова го очекуваме, рече Филипче.
– Со ова вкупната бројка на дијагностицирани пациенти со Ковид-19 во нашата земја изнесува 1081, за жал се починати 46 лица, оздравени 121 пациент. Досега во земјата се направени вкупно 10.422 тестирања на Ковид -19. На Инфективната клиника во Скопје примени се 11 нови пациенти, а во моментов се хоспитализирани 62 пациенти. 18 пациенти се со потешка клиничка слика и на кислородна поддршка, а 5 пациенти се на механичка вентилација. Во ГОБ „8 септември“ примени се 11 нови пациенти и во моментов во оваа болница се лекуваат 38 пациенти со Ковид-19. Во потешка состојба се 8 пациенти, а на респираторна машина 6- истакна Филипче.
-Во врска со написите за вчерашната посета во Куманово, дека на дел од присутните им бил земен брис, да го знаевме тоа поинаку ќе се поставевме, но бевме соодветно заштитени. Ова е еден акт со кој покажуваме дека сите сме еднакви и треба мерките сите да ги почитуваме- рече Филипче.
За притвореникот кој почина во затворот во Шутка, Филипче истакна дека е негативен на коронавирусот.
-Од вчера земените 210 брисови во Кумановската болница, само кај две лица тестот е позитивен, тие ќе бидат дополнително тестирани за да знаеме каква е нивната состојба- рече Филипче.