Во разговор за ,,Фокус” министерот за здравство, Венко Филипче појаснува дека јогата, медитацијата или пак лекарства за смирување, како лексилиум, не се дел од неговиот начин на живот, вели дека тој е едноставно таков, со што се реши дилемата околу смиреноста и трпеливоста на актуелниот министер.

-Апсолутно ништо не практикувам или користам за смирување, ниту јога, медитација или пак лексилиум. Тоа е вистината. Само слушам внимателно за време на пресовите. Отсекогаш сум смирен, ми се случувало да седам и да работам на микроскоп со часови – открива министерот за „Фокус“.

На прашањето дали и во друштво исто така е смирен, дали му се случува да избувне или пак да повиши тон со блиските, дома, одговара дека сталоженоста е дел од неговиот карактер.