Министерот за здравство Венко Филипче денеска го  посети геронтолошкиот завод „13 Ноември“ каде во тек е процес на имунизација на приоритетните групи.

-Огромен процент и од здравствените работници веќе се вакцинирани, близу 90 и тоа беше дел од стратегијата заради тоа што овие здравствени работници навистина треба да се заштитени, прво да бидат заштитени самите тие а второ да ги штитат и постарите сместени луѓе. Ги чекаме списоците од останатите центри за згрижување на постари лица од другите градови Куманово, Прилеп и Берово, а согласно динамиката ќе продолжи вакцинацијата на таму сместените корисници. Во меѓувреме останатиот дел од системот добро функционира и денеска продолжува вакцинацијата ширум пунктовите во државата во Арената А1 Борис Трајковски дел од припадниците на Армијата и наставничките од прво до трето одделение сега во овој момент е вакцинацијата, нагласи Филипче.