Светската фудбалска федерација (ФИФА) поради пандемијата на коронавирусот размислува за воведување на трет преоден рок.

– Третиот преоден рок би можел да биде воведен доколку сегашниот систем на два преодни рока од вкупно 12 недели не биде продолжен. Преодните рокови ќе бидат флексибилни и ќе овозможат поместување на моментниот преоден рок така што трансферите ќе бидат дозволени помеѓу крајот на старата сезона и почетокот на новата сезона – изјави Џејмс Кичинг, директор во ФИФА за регулатива.

Поради пандемијата на коронавирусот сите фудбалски натпреварувања, ФИФА пред неколку дена објави неколку препораки за да се задржи регуларноста на првенствата доколку се овозможат услови тие да се доиграат.

ФИФА објави дека договорите на фудбалерите кои се со важност до 30 јуни да се продолжат се до завршување на сезоната, а трансферите да се официјализираат по завршување на сезоната.