Европскиот парламент оцени дека Унгарија повеќе не е целосна демократија
Унгарија повеќе не може да се смета за целосна демократија, соопшти Европскиот парламент во моќното симболично гласање против владата на Виктор Орбан, пишува Гардијан.
Во резолуцијата поддржана од 81 отсто од европратениците присутни на гласањето, парламентот наведе дека Унгарија станала „хибриден режим на изборна автократија“, наведувајќи го рушењето на демократијата, основните права и владеењето на правото.
Иако гласањето нема практичен ефект, го зголемува притисокот врз властите на ЕУ во Брисел да не исплатат милијарди за Унгарија што се задржува поради загриженоста за корупцијата во земјата.
Унгарија се бори да ја убеди Европската комисија да ослободи 4,64 милијарди евра од фондовите за закрепнување од ковид, кои се замрзнати повеќе од една година. Будимпешта, исто така, се обидува да спречи посебна правна процедура што може да доведе до одбивања од 24,3 милијарди евра од кохезионите фондови, пари за инфраструктура и економски развој.
Европската комисија се очекува да предложи намалување на 70 отсто од кохезионите фондови на Унгарија, но исто така ќе остави простор за компромис, изјавија двајца европратеници запознаени со дискусиите.
„Повеќе или помалку, она што го слушаме е дека комисијата ќе ги предложи овие санкции или финансиски мерки“, рече Мориц Кернер, германски европратеник.