Европската Комисија денеска го усвои документот за реформи кој меѓудругото предвидува и, земјите кои ќе влезат во Европска Унија да не ги носат нерешените билатерални спорови внатре во Унијата.

Во овој документ исто така се наведува дека проширувањето е во стратешки интерес на самата ЕУ и се наведува дека процесот на проширување треба да биде вклучен во дизајнот на следната повеќегодишна финансиска рамка на ЕУ.

„Постепената интеграција стана важен елемент во подготовката на земјите за проширување долго пред пристапувањето, а исто така се предлага преминување од едногласно кон мнозинско одлучување во рамките на ЕУ во некои клучни области, вклучително и проширувањето, со одредени гаранции дека ќе ги заштити „стратешките национални“ интереси на земјите-членки“ – стои во документот на ЕК.