Денеска од 16.00 часот по македонско време во Белорусија ќе се игра реванш натпреварот во четвртфиналето од СЕХА Газпром лигата помеѓу Мешков Брест и Е. Пелистер.

Потсетување, на првиот меч одигран во салата „Боро Чурлевски“ во Битола играчите на Жељко Бабиќ загубија со резултат 27:31.

Доколку македонската екипа сака за првпат во својата историја да се пласира на Фајнал-фор турнирот кој годинава ќе се одржи во Задар (Хрватска), ќе мора да ја анулира негативата од четири голови разлика.

Предноста што Мешков ја стекна во првите 60 минути и според стилот на игра и форма ја покажа, потврди дека ја има фаворитската улога во овој двомеч.

На свој терен ќе се обиде тоа да го докаже уште еднаш и на крајот ја оствари целта, и така по осми настап биде меѓу најдобрите четири тима во ова регионално натпреварување и се бори за првата титула.

Од друга страна, Е. Пелистер верува дека ништо не е готово, дека и натаму постојат шанси. На три натпревари помеѓу двата тима, Мешков секогаш победувал. Битолскиот тим отпатува со 15 ракометари на возвратната пресметка, а само Милорад Кукоски остана дома.