Две мајстории во Лајпциг, Батшуаји за радост на Челзи! (ВИДЕО)
Денеска се одиграа првите два натпревари од третото коло во Лигата на шампионите, Челзи славеше на гостувањето кај Ајакс, додека Лајпциг со пресврт го совлада Зенит.
Во рамките од групата „Х“ екипата на Челзи го совлада досега непоразениот Ајакс на „Јохан Кројф“ Арената во Амстердам со 0:1.
Лондонските „сини“ дојдоа до три важни бода благодарение на погодокот на белгискиот репрезентативец Миши Батшуаји во 86. минута од средбата од непосредна близина после асистенцијата на Кристиан Пулишиќ.
Во групата „Г“ Лајпциг ја забележа втората победа на домашен терен против Зенит (2:1). После првото полувреме водеше рускиот претставник со прекрасниот погодокот од околу 20 метри на Ракитски.
Во вториот дел Германците го направија пресвртот, една убава акција која со гол ја круниса Лајмер, а асистентот на тој гол, Сабицер во 59. минута го постави конечниот епилог со уште подобар погодок за голема радост на трибините на „Ред Бул“ Арената.