Две Јапонки влегоа во Гинис како најстари живи близначки во светот
Две Јапонки влегоа во Гинисовата книга на рекорди како најстарите живи близначки во светот.
Сестрите Умено Сумијама и Куме Кодама имаат 107 години и 330 дена. Соопштението беше објавено на Денот на почит кон старите лица, кој е национален празник во Јапонија.
Родени се на островот Шодошима на 5 ноември 1913 година, како трето и четврто од 11 деца.
На 1 септември тие го соборија рекордот што го држеа јапонските близначки Кин Нарита и Џин Кание на 107 години и 175 дена.
Околу 29 проценти од јапонското население има над 65 години.
По завршувањето на основното училиште, сестрите се разделија бидејќи Кодама беше испратена да работи на островот Кјушу, додека сестрата остана на островот каде што се родени. Ретко се гледаа до 70 -годишна возраст.
Извор: ABC News
