Љубовните врски се сложени меѓучовечки односи кои бараат внимание и разбирање, а многу жени прават две грешки во односите со мажите, вели психологот Ирина Молвинскаја.

Според нејзините зборови, првата грешка е тоа што жената почнува да ја презема улогата на мајка во врската.

– Оваа појава се манифестира во претераната грижа и контролата, што не е соодветно во партнерскиот однос. Жената не треба да му биде мајка на својот сопруг/партнер, бидејќи тогаш се труди да го контролира секој аспект од животот на партнерот, се грижи за него како за дете и му ги решава проблемите – објаснила таа за порталот „Газета“.

Молвинскаја истакнува дека ваквото однесување доведува до нерамнотежа во врската, па партнерот може да почне да се чувствува зависно, детинесто и како резултат на тоа да изгуби интерес и почит кон жената.

– Причините за ваквото однесување можат да бидат вкоренети во семејните односи и стереотипите, каде жените уште од детството учат дека нивната главна улога е да се грижат и штитат. Меѓутоа, во односите меѓу возрасните, таквиот пристап не само што е неефикасен, туку е и штетен. Партнерството подразбира еднаквост, заемна почит и поддршка, а не родителска грижа и контрола. Жените треба да научат да му веруваат на својот партнер и да му дозволат да покаже независност и одговорност – забележува Молвинскаја.