Драган Илиевски нов в.д. директор на ЗОО Скопје

Фото: Зоо Скопје

Драган Илиевски е нов в.д. директор на ЗОО Скопје, известуваат од Град Скопје.

-Илиевски има повеќе од 20 години работно искуство на раководни позиции во приватниот сектор. Дипломиран машински инженер е на Машинскиот факултет при Универзитетот „Св. Кирил и Методиј” во Скопје, а има завршено магистерски студии по економија, соопштуваат од скопската локална самоуправа.

Илиевски доаѓа на позицијата по разрешувањето на претходниот в.д. директор Кристијан Стаменов.

Претходникот на Илиевски, Стаменов беше разрешен откако полицијата, при извршена обиколка на Зоолошката градина, по претходно добиени сознанија, затекна како подготвуваат храна од коњи (12 коњи и една мазга) кои ги колат на лице место за месото да го употребат како храна за дивите животни.

Поради тој случај, МВР поднесе и кривична пријава против шест лица, вклучително и Стаменов.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот