Фустаните до глужд со интересен принт се многу популарни овие денови, а на овој тренд не му одолеа ниту Џенифер Лопез.

Пејачката демонстрираше како овој модел се носи на најдобриот начин. Чизмите со високи потпетици изгледаат феноменално во комбинација со токму овој модел на фустан.

Кројот на фустанот е идеален, па така во него нема да ви биде ладно во текот на деновите кога температурите се близу нулата, а во исто време ќе изгледате женствено и елегантно.

Вака стилизирани може да одите каде и да посакате. Аутфитот е прикладен за дневни прилики, кафе со пријателите, па дури и ноќни излегувања.

Облините се нагласени на вистинскиот начин, а благодарение на високите потпетици фигурата делува поиздолжено и повитко.

Аксесоарите како ремен околу половината се добредојдени, бидејќи ќе го нагласат струкот и ќе ја направат фигурата визуелно поскладна.