Документарниот филм за македонската фудбалска легенда Дарко Панчев „Патот на Кобра до ѕвездите“ утре од 21:05 часот на  „Спортклуб 1“ ќе ја има преимерата пред македонската јавност.

Документарецот за Дарко Панчев е заедничка изработка на „Спортклуб“, Спортнетворк“ и „Спортското радио 90.3“. Документарецот го носи името „Патот на Кобра до ѕвездите“, на кој Панчев гледа како круна на кариерата.

„Постигнав многу голови во кариерата, а еден голгетер според мене не треба да гледа кој гол е убав, треба да ги има што повеќе. Секој гол кој што сум го постигнал миу е драг. Документарец се прави само ако имате што да прикажате и кажете во него. Исто така во изработка е и моја автобиографска книга – изјави Панчев на промоцијата пред девет месеци.

Инаку филмот пред девет месеци ја имаше промоцијата во хотелот „Александар Палас“ и на оваа церемонија присуствуваа бројни познати фудбалски имиња.