Деветгодишно момче се бори за живот откако било нападнато од крокодил во националниот парк Какаду во Австралија. Сè се случило во саботата навечер околу 21 часот по локално време.

„По нападот, пациентот беше пренесен во здравствениот центар Џабиру“, рече портпаролот на КерФлајт.

Меѓутоа, со оглед на сериозноста на повредите, момчето со хеликоптер од малиот град со околу илјада жители било префрлено во поголема болница во Дарвин. Таму е на интензивна нега. Во Националниот парк има околу 10.000 крокодили.

„Запомнете дека секаде каде што има вода, може да има и крокодили. Бидете внимателни во близина на реките и внимавајте на знаците за предупредување за крокодили“, се вели на веб-страницата на Националниот парк.

Портпаролот на „Паркс Австралија“ изјави дека биле информирани за инцидент во кој крокодил повредил едно лице додека пливало.

„Инцидентот се случи во област во националниот парк Какаду која не е достапна за пошироката јавност“, рече портпаролот.