Далиќ: Македонија ремизираше против Италија и Англија, тие се одличен ривал во подготовките за Европското првенство
Денес беше потврдено дека Македонија на 3-ти јуни во Ријека ќе одигра пријателски натпревар против Хрватска.
Натпреварот ќе се игра на стадионот „Рујевица“ и ќе биде претпоследна контролка за Хрватска пред Европското првенство. Селекторот Златко Далиќ смета дека Македонија е одличен ривал за контрола пред почетокот на првенството.
„Македонците се одличен противник за таа фаза од подготовките. Зборуваме за репрезентација која ремизираше дома со Италија и Англија. Тоа е доволен показател дека тој натпревар за нас ќе биде вистински испит до каде сме со подготовките пред заминување на Европското првенство и што треба да поправиме“, изјави Далиќ.
Македонија последниот натпревар против Хрватска го одигра на 12. октомври 2012 година во квалификациите за СП 2014. На Националната арена во Скопје, Хрватите славеа со 2:1. На досегашните осум дуели против Хрватска, Македонија има една победа (17.11.2007, 2:0, квалификации за ЕП 2008)) и два нерешенни резултати.
