Постои можност непосредно пред падот на воено-транспортниот авион Ан-26 недалеку од Харков, да му бил даден приоритет за слетување на друг авион, рекол шефот на локалната администрација Алексеј Кучер. Како што додал, истрагата треба да покаже дали е точна оваа верзија на случувања.

– Од моментот кога пилотот побара дозвола за слетување, одговорните реагирале дури после една минута. Наводно заради тоа што биле фокусирани на слетување на друг авион. Притоа веќе било познато и јасно дека еден мотор откажал. Се поставува прашањето зошто одговорните за слетување, добивајќи ја информацијата за неисправен мотор, дале приоритет за слетување на друг авион. После неколку минути нашите момци паднаа, рекол Кучер.

Моментот на ужасот: Се појави снимка од падот на украинскиот авион (ВИДЕО)

Кучер рекол дека црните кутии се пронајдени, но дека истрагата се уште не е спроведена.

Авионот Ан-26 се срушил синоќа и притоа загинаа 26 кадети и членови на екипажот, а само еден кадет преживеа.