Агенцијата за млади и спорт, врз основа на Законот за државни награди ја објави одлуката за доделување на Државната награда „8 Септември“ во 2022 година.

Станува збор за највисоко признание за животно дело и признание за спортисти, тренери (селектори и тренери) и спортски работници за остварувања во областа на спортот.

Наградата за животно дело за исклучителен придонес во развојот на спортот, афирмацијата и промоцијата на Република Северна Македонија на меѓународен план се доделува на Чедо Николовски.

Наградата со која се оддава признание на спортисти, тренери (селектори и тренери) и спортски работници за остварувања во областа на спортот се доделува на:

– Атанас Костовски
– Зоран Карановиќ
– Стојан Андриевски
– Ацо Јорданов