Во регионот на Бахмут се водат интензивни борби, но Киев е свесен дека ќе мора да го предаде градот, изјави помошникот на чеченскиот лидер Рамзан Кадиров, Апти Алуадинов, кој воедно е и командант на специјалната единица „Ахмат“.

Тој смета дека украинските власти започнале да ја подготвуваат јавноста на Западот, дека наскоро ќе се соочат со тежок пораз во Бахмут.

– Најжестоките борби се водат во зоната на Артемовск (Бахмут), таму нашите единици работат многу добро – изјави Алаудинов.

Чеченецот изјави дека руските сили на споменатиот регион секојдневно освојуваат нов дел од територијата на фронтот.