Премиерката на Србија, Ана Брнабиќ, како одговор на писмото на парламентарците од ЕУ и САД кои бараат построги мерки против Србија, одговори дека тоа е „добредојдено“ бидејќи тоа е „жив доказ“ дека косовскиот премиер Албин Курти навистина „уживал целосна поддршка и охрабрување за поткопување на мирот и стабилноста на Балканот“.

Неколку десетици европски и американски парламентарци испратија заедничко писмо до претставниците на САД, Европа и Велика Британија во кое бараат да ја преиспитаат политиката кон Косово и Србија.

This letter and the tweets by @aliciakearns, @MiRo_SPD and @SFRCdems are more than welcome, as they provide living proof that Kurti does indeed enjoy full support and encouragement for undermining peace and stability in the Balkans,⬇️ https://t.co/5bG4TxJl13

— Ana Brnabic (@anabrnabic) August 8, 2023

Тоа го потпишаа и претседателите на комисиите за надворешна политика на парламентите на 10 земји, како и 56 други парламентарци од бројни земји, како и членови на Европскиот парламент, меѓу кои и претседателот на Комисијата за надворешна политика на Британскиот парламент, Алиша Кернс и претседателот на комисијата за надворешна политика на германскиот парламент, Михаел Рот.

Во писмото се изразува загриженост за актуелната политика на ЕУ, САД и Велика Британија кон Србија и Косово и се бара таа да се преиспита.

„Избегнување на имплементација на постигнатите договори (и Договорот од Брисел со отфрлање на формирањето на Заедницата на српските општини повеќе од 10 години, и Охридскиот договор со кој се бара имплементација на Бриселскиот договор) и поткопување на основните човекови права на Србите на Косово “, напиша Брнабиќ, означувајќи го Косово со ѕвездичка како што е договорено ЕУ.