Морничава мисла е, но барем нешто ќе заработи! Бритни Спирс потпиша договор за мемоар за кој се вели дека вреди повеќе од 15 милиони долари.

Упатените во издавачката куќа за „Пејџ Сикс“ велат дека 40-годишната пејачка потпишала значаен договор со издавачката куќа „Сајмон и Шустер“ за нејзините мемоари, во кои ќе се раскажува за кариерата, животот и нејзиното семејство.

Договорот бил потпишан по тендерската војна од повеќе издавачи за нејзината книга, според еден инсајдер, кој тврди дека „договорот е еден од најголемите на сите времиња, по тие на семејството Обама“.

ФОТО | Бритни Спирс ја поканија во Конгресот: Поласкана сум што можам да раскажам сè!

Бритни Спирс посака да напише мемоари откако беше огорчена поради тврдењата изнесени во жестокиот текст на нејзината помлада сестра Џејми Лин, „Работи што требаше да ги кажам“, објавен во јануари оваа година.

ФОТО: Сестрата на Бритни Спирс и нејзините деца добиваат смртни закани по сведочењето

Бритни напиша на инстаграм во тоа време: „Честитки за бестселер… Твојата смелост да продадеш книга сега и да зборуваш глупости, но лажеш… Би сакала да направиш тест на детектор за лаги, па луѓето да видат дека лажеш низ заби за мене!!!! Посакувам семоќниот Бог да слезе и да му покаже на целиот свет дека лажеш и заработуваш од мене! Ти си ѓубре, Џејми Лин“.

Поп иконата неодамна навести дека е подготвена да започне да ја пишува својата книга. Споделувајќи фотографија од стара училишна машина за пишување, таа напиша на почетокот на јануари: „Дали да почнам од ПОЧЕТОКОТ???“

 

View this post on Instagram

 

A post shared by Britney Spears (@britneyspears)