Воениот аналитичар Мајк Мартин, кој работи како виш соработник во студијата за војната на Кралскиот колеџ во Лондон, напиша на Твитер кои области на Украина ќе бидат клучни за следење во наредната недела. Тој очекува дека може да има некои интересни движења во источните градови Бахмут и Кремина.

There are reports of Russians in the town starting to loot stuff and leave

(We’ve seen this behaviour before, usually just before a collapse).

— Mike Martin 🔶 (@ThreshedThought) December 26, 2022

Мартин тврди дека руските сили со месеци „се обидуваат да ги пробијат украинските линии“ во Бахмут, но постигнале „неверојатно бавен напредок со неверојатни загуби на животи“. Сепак, тој истакнува дека градот е сè уште важен за Русија бидејќи се вклопува во нивниот наратив за „ослободување“ на источниот регион Донбас.

„Ми се чини дека битката за Бахмут полека кулминира за Русија бидејќи им снемува и луѓе и опрема“ вели Мартин. „Можеби би можеле да донесат повеќе луѓе и опрема, но засега се чини дека е на чекање“, нагласува Мартин.

Во исто време, украинските сили се надеваат дека ќе ја вратат територијата околу Сватов и Кремина.

Мартин е убеден дека врз основа на потенцијални територијални освојувања околу Сватов и Кремина, Украинците би можеле да ја прекинат руската логистика во регионот на Донбас. Веќе има информации дека украинските војници можеби стигнале до предградието на Кремина, пишува Скај Њуз.

Мартин, исто така, се осврнува на понатамошни извештаи за Русите кои го ограбувале градот, што обично му претходи на руското повлекување. „Во текот на следната недела би ги следел Бахмут и Кремина. Особено Кремина“, вели воениот аналитичар.