Британците тврдат дека во последните 48 часа значително се зголемени борбите на фронтот во Украина
Британското Министерство за одбрана извести за значително зголемување на борбите во голем број сектори на фронтот во Украина во последните 48 часа.
„Ова ги вклучува оние боишта кои беа релативно тивки неколку месеци“, се вели во секојдневното известување на Твитер за војната во Украина.
Во соопштението не се дадени дополнителни детали ниту се проценува дали борбите се поврзани со очекуваната украинска контраофанзива против руските сили кои окупираа големи делови од земјата.
Latest Defence Intelligence update on the situation in Ukraine – 06 June 2023.
Find out more about Defence Intelligence's use of language: https://t.co/18XvgXo2lo
🇺🇦 #StandWithUkraine 🇺🇦 pic.twitter.com/jC9D3JuSjO
— Ministry of Defence 🇬🇧 (@DefenceHQ) June 6, 2023
Министерството, исто така, извести дека спорот меѓу руските платеници „Вагнер“ и руската војска достигнал „невидено ниво“.
„За прв пат, сопственикот на Вагнер, Евгениј Пригожин, тврдеше дека армијата намерно употребила смртоносна сила против единиците на Вагнер. По расправија, Вагнер, наводно, притворил командант на руската армиска бригада“, се вели во соопштението.
Локалните руски власти во руската област Белгород денеска соопштија дека е гранатиран округот Шебекино. Во пораките на социјалните мрежи, жителите беа предупредени да се засолнат во подруми.
Регионот Белгород, кој се граничи со Украина, неколку пати беше цел на напади во последните неколку недели.