Британците тврдат дека Русите имаат тешки загуби на тенкови
Министерството за одбрана на Велика Британија објави нов разузнавачки извештај за војната во Украина.
Во него тие наведуваат дека Русија во последните денови продолжила да им дава приоритет на обидите на нејзините сили да го опколат градот Авдивка во областа Доњецк.
„Меѓутоа, руските сили постигнаа само маргинален напредок по цена на загуби на тешки оклопни возила. Рускиот 10-ти тенковски полк веројатно изгуби голем дел од своите тенкови додека се обидуваше да ја опколи Авдивка од југ. Полкот е дел од Третиот армиски корпус, првото големо руско засилување на инвазијата во Украина“, наведуваат Британците.
Latest Defence Intelligence update on the situation in Ukraine – 28 March 2023.
Find out more about Defence Intelligence's use of language: https://t.co/A5EZZKsQjz
🇺🇦 #StandWithUkraine 🇺🇦 pic.twitter.com/52cYmDBnvX
— Ministry of Defence 🇬🇧 (@DefenceHQ) March 28, 2023
„Бројни извештаи сугерираат дека Третиот армиски корпус бил особено погоден од проблеми со лошата дисциплина и нискиот морал. И покрај тоа што овој кор веројатно поминал одреден период на обука во Белорусија, формацијата сè уште покажува ограничена борбена ефикасност“, продолжуваат тие.
„Загубите на 10-от тенковски полк веројатно беа најмногу предизвикани од тактички неисправни фронтални напади слични на оние во другите неодамнешни неуспешни напади на руски оклопни возила, како што беше случајот околу градот Вуледар“, заклучуваат Британците.