Браво Кико: Македонија има вицепрвак во БМУ Европскиот мотокрос шампионат
Христијан Илиоски уште еднаш докажа зошто еден од најдобрите македонски мотокрос натпреварувачи.
Од последната трка во Романија, со која завршува БМУ Европскиот шампионат оваа сезона, Кико се враќа со четврто освоено место.
Се затвора сезоната на меѓународни натпревари, и ја става Македонија во најсилната класа од шампионатот со високо второ место како краен резултат.
– Без поддршка на мојот менаџер, моите спонзори кои веруваа од старт во мене и во моето семејство, овој успех немаше да биде реалност. Овој висок пласман го посветувам на сите мои фанови кои ми пишуваат, ме бодрат на трките и го сакаат овој спорт. Ова беше сезона на исклучително силна конкуренција и мора да бидам искрен и да кажам дека беше преголем залак за мене. Но, кога нешто се сака, границите се преминуваат со напор кој некогаш се граничи со невозможното – се зборовите на Илиоски.
Илиоски ја информираше јавноста дека ќе биде во Смолево, Битола на последната трка од македонскиот шампионат овој ноември.