Поранешната сопруга на премиерот Бојко Борисов – д-р Стела Костова на своите пријатели на социјалните мрежи им сподели дека е скршена од тага по смртта на е едно од своите миленичиња. Оваа докторка која живее во Калифорнија, САД со години чува две кучиња – Ира и Бетина и два папагали со необични имиња Хемингвеј и Сервантес, објави  ретро.бг.

Сепак, пред неколку дена таа изгубила една од своите омилени птици „Почивај во мир, драг мој Хемингвеј. Срцето ме боли и секогаш ќе ми недостига твојата убавина, топлото свиленкасто тело, сините очи, разиграноста и песните што ме радуваа и се гордеев со тебе каков прекрасен мал папагал беше“. Таа објави и две фотографии од своето милениче:  „Фотографијата десно е сликана денеска во болница непосредно пред да запре неговото срце. Толку мало суштество, а болката од неговата смрт е голема. „Сервантес е вознемирен и ја бара неговата песна“, напиша таа.

Мајката на единствената ќерка на бугарскиот премиер Борисов важи за голем љубител на животните и е посебно грижлива кон бездомните. Таа честопати е вклучена во кампањи за спасување на кучиња и мачки скитници и редовно апелира до нејзините следбеници на социјалните мрежи да бидат полни со симпатии кон напуштените животни и да им помагаат кога можат.

Таа вели дека кога купува храна за своите кученца, мора да земе неколку пакувања вишок и за гладните животни на улиците. Д-р Костова е неразделна од нејзините кучиња Ира и Бетина, па дури и во ретките случаи кога се враќа во Бугарија, нејзините кучиња задолжително летаат со неа преку океанот.

Во Америка, таа првично работела како специјалист по својата струка – офталмологија, но подоцна дипломирала интерна медицина. Во болницата кадешто работи има големо ковид одделение и д-р Костова работи токму со овие пациенти.