Петровиќ страдаше по враќањето од полскиот Вроцлав каде го одигра последниот натпревар како репрезентативец на Хрватска против Словенија во квалификациите за ЕП.

Петровиќ одлучи во Шибеник да се врати со автомобил наместо со авион како што го сторија останатите репрезентативци.

Трагедијата се случи на 7. јуни, Дражен спиеше на совозачкото место, а во автомобилот марка „Голф“ беше и младата турска кошаркарка Хилал Едебал.

Од јачината на ударот, Петровиќ почина на лице место, додека Хилал доживеа тешки повреди на главата, а тогашната девојка на кошаркарот, Клара Шаланци помина со лесни повреди.

Клара денеска е сопруга на поранешниот германски фудбалски репрезентативец Оливер Бироф, а нејзината пријателка од детството, Хилал Едебал, сè уште има ноќни мори од несреќата, не се сеќава на ниту еден детал пред сударот, а за време на рехабилитацијата помислуваше и на самоубиство.

Едебал и Клара Шаланци ги прекинаа сите контакти, а мајката на Дражен, Бисерка Петровиќ, смета дека германската манекенка е вистински монтрум. Бисерка пред три години се запознала со Хилал Едебал, додека Клара ги прекинала сите контакти со неа.

– Таа е монструм, нема никакви контакти ниту со Хилал. Клара не ја посетила Хилал додека таа лежела во болница иако се долгогодишни пријателки – вели Бисерка Петровиќ.