На турнирот на Европското првенство за борачи до 23 години во слободен стил кое се одржува во Тирана, Албанија, македонскиот натпреварувач Бесир Алили оствари две победи.

Во категоријата 61 кг. Алили триумфираше против Денис Салим Наим од Бугарија со 7:2 во квалификациите.

Алили во четвртфиналето со 6:5 славеше против Иван Храмика. Во полуфиналето ривал на Алили ќе биде Јејхум Алахвердијев.

Во категоријата 57 кг. Стефан Штерјов со 10:0 загуби од Лев Павлов, а во репасажот претрпе пораз од Рахман Иманов од Азербејџан (11:0).

Нашата репрезентација на ова ЕП ја претставуваат Стефан Штерјов, Бесир Алили, Мухамед Феруки и Реџеп Хајдари предводени од тренерот Абаз Емини.

Судија во прва категорија е Даниел Илиев, додека претставник од македонската боречка федерација е Ахмед Адеми.