Во Беса не веруваат дека Владата ќе ги изгради автопатиштата на коридорите 8 и 10д
Партијата Беса не верува дека Владата ќе го реализира проектот за изградба на коридорите 8 и 10д, кој беше дочекан со резерви во земјава откако се открија многу контроверзи.
Потпретседателот на Беса, Фатмир Лимани, во емисијата „200“ која ќе се емитува во целост вечерва на „Алсат“, вели дека ДУИ 20 години на власт не го направила проектот за канализација во Зајас, ниту го исполнила ветувањето за болницата во Кичево.
Лимани зборуваше и за наводниот незаконски стекнат имот на лидерот на ДУИ Али Ахмети и други партиски функционери.
„Проект кој чини две милијарди евра ќе го спроведе партија предводена од лидер кој 20 години ветува канализација во Зајас која чини не повеќе од 200 илјади евра. И тие ќе прават проект од две милијарди евра? 20 години ја преиспитуваат фекалната канализација, нема тоалети во Зајас, најпрвин тие нека ги поправат, па тогаш ќе зборуваме за овие крупни проекти. Дали навистина мислите дека ќе реализираат проект од 2 милијарди евра, а кичевската болница за која неколку пати се издвојуваа по 1 или 2 милиони евра е претворена во штала, а сите жители на Кичево доаѓаат во Скопје или одат во странство да се лечат. Дали навистина мислите дека ќе инвестираат две милијарди евра и дека Светска банка ќе им верува, дека не ги гледа дека украле средства од Министерството за образование за издавање на книги за учениците“, вели Лимани.