BenetechPRA e пренатален скрининг тест, кој се смета за златен стандард во модерниот пренатален скрининг и поставувањето точна дијагноза. Се користи секојдневно од водечките пренатални експерти во најдобрите лаборатории во светот со повеќе од 10 милиони корисници годишно. Поседува сертификат за квалитет ISO 13485 и канадски софтвер, лиценциран е од страна на Health Canada Class II. „Биотек лабораторија“ како најсовремена специјалистичка лабораторија прва и единствена го воведе Benetech PRA скрининг тестот. Предноста на Benetech PRA е што со него:

– Се детектираат повеќе малформации (OSB, SLOS);

– Единствено решение кај бременост со близнаци, издвојување на ризикот за фетус А и фетус Б;

– Рана дијагноза на прееклампсија;

– BenetechPRA пренаталниот скрининг тест може да се изведува со инхибин А, со што дополнително се зголемува неговата сензитивност.

Benetech PRA го пресметува индивидуалниот ризик кај бремената жена за појава на хромозомски абнормалности кај нејзиниот фетус како:

-Трисомија 21 – Down Syndrome

-Трисомија 18 – Edvards Syndrome

-Трисомија 13 – Patau Syndrome

-OSB (Open Spina Bifida)

-SLOS (Smith-Lemli-Opitz Syndrome)

Пренатална дијагностика е област на медицината која во последните години постојано се развива и во овој момент им дава можност на идните родители на време, во првата половина од бременоста да откријат дали нивното бебе носи некоја генетска неправилност и ако носи, да се открие која е таа.

Пренаталната дијагноза опфаќа серија методи и постапки со кои може да се дијагностицираат дефекти, малформации или наследна болест во тек на бременоста и станува сè повеќе рутински пристап во контролата на сите бремени жени. Овој период има цел точно да го информира семејството за состојбата на плодот што го носи мајката, што овозможува идните родители при евентуална абнормалност да донесат одлука за иднината на фетусот.
Пренаталната дијагноза има битно превентивно значење во можноста да се спречи раѓање на бебе со тешки и инфаустни генски дефекти, што би значело огромен стрес и болка за семејството.

Пренаталниот скрининг е процес на одредување на ризикот бремената жена да роди бебе со хромозомска абнормалност.

Ако ризикот е поголем од одредено прифатливо ниво, бремената мајка се упатува на понатамошно дијагностичко тестирање (амниоцентеза или земање примероци од хорионските вили).
Ризикот се пресметува со користење на голем број фактори, кои зависат од целта на испитувањето и скрининг софтверот на лабораторијата.

Битни фактори за пренатален скрининг се:
• Возраст на мајката
• Преваленца на абнормалностите кај популацијата
• Лабораториски резултати, кои отстапуваат од референтните вредности кај мајката во различни периоди во тек на бременоста
• Специфични мерења на фетусот со ултразвук
• Бременост зачната со ИВФ (ин витро фертилизација)
• Дијабетес тип 1, пушење и др.

За повеќето жени пренаталниот скрининг вклучува еден тест на крв во првиот триместар и еден во вториот триместар.