Белата куќа ги предупреди израелските политичари да не даваат непромислени и провокативни изјави
Белата куќа коментарите на израелските политичари за повторно населување на Газа ги нарече „непромислени и запаливи“.
Израелскиот десничарски министер за безбедност Итамар Бен-Гвир апелираше до еврејските доселеници да се вратат во Појасот Газа на собирот во неделата, предизвикувајќи осуда од Палестинците, кои рекоа дека зборовите на Бен-Гвир претставуваат повик за нивна депортација од енклавата.
Изјавата на Бен-Гвир не се совпаѓа со официјалниот став на израелската влада, што го повтори и премиерот Бенјамин Нетанјаху дека Израел нема намера да има постојано присуство во Газа кога ќе заврши војната со Хамас. Палестинската управа информира дека ваквите повици поттикнуваат принудно раселување на Палестинците и ја загрозуваат безбедноста и стабилноста на регионот.
Изјавата беше осудена и од Хамас и од израелската опозиција.