Бегство од мобилизација: Двајца Руси со чамец пристигнале на Алјаска и побарале азил во САД
Двајца Руси кои побегнале од воената мобилизација поднеле барање за азил во САД откако пристигнале на Алјаска со брод, соопштија американските власти, пренесува Њујорк Тајмс.
Рускиот претседател Владимир Путин минатиот месец прогласи делумна воена мобилизација поради војната во Украина, а Ројтерс јавува дека десетици илјади мажи избегале од Русија за да избегнат да бидат пуштени во служба.
Канцеларијата на американската сенаторка Лиза Мурковски, која ја претставува Алјаска, објави дека двајцата Руси бараат азил за да избегнат задолжителна воена служба.
Two Russians traveled from Russia to a small island in Alaska to avoid President Vladimir Putin’s draft to fight in Ukraine, two senators said on Thursday. They landed on a beach on St. Lawrence Island and requested asylum in the U.S., the senators said. https://t.co/8LpuBAaoGF pic.twitter.com/aWWx8lqZ5P
— The New York Times (@nytimes) October 6, 2022
Тие се пронајдени во близина на островот Сент Лоренс на Алјаска, на околу 64 километри од рускиот брег.
Гувернерот на Алјаска, Мајк Данливи изјави дека две лица пристигнале од Русија со брод и се сослушани.
– Не очекуваме континуирано доаѓање на поединци или групи. Немаме индикации дека тоа ќе се случи, така што ова може да биде еднократно – рече гувернерот.
Американското Министерство за домашна безбедност потврди дека во вторникот пристигнале две лица.
– Лицата се транспортирани на сослушување, што го опфаќа и процесот на верификација, а потоа се обработени во согласност со важечките американски закони за имиграција – изјави портпаролот на министерството.
Руската амбасада во Вашингтон соопшти дека е запознаена со случајот со приведувањето на двајца руски државјани на Алјаска и дека планира наскоро да оствари телефонски разговор со двајцата државјани и да им ја пружи потребната помош, пренесува ТАС С.