Грант Харолд, поранешен батлер на британското кралско семејство, откри какви подароци добивал додека работел за членовите на монархијата.

За Чарлс и Камила работел седум години и вели дека секој Божиќ добивал честитка.

„За Божиќ секогаш добивавме честитка од него. Пред да се ожени со Камила, се сеќавам дека добивавме божиќни честитки од него, Хари и од Вилијам. Секогаш беа посебни“, изјавил Харолд за британски „Мирор“.

Покрај честитките, често добивал и шеговити подароци од Чарлс.

„Освен тоа, во поштата ни испраќаше мали забавни работи. Една година ми остави лименка лосос, а друга година комплет за сол и бибер завиткани во лента. Веројатно добива многу подароци, а понекогаш и нам ни даваше некои од нив“, раскажал батлерот.

„Отсекогаш тоа го сметав за бизарно, бидејќи не очекувате такви мали нешта. Тоа ја покажува неговата забавна и практична страна. Што се однесува до вистинските подароци, тоа секогаш беа филџани за чај или чаши за виски. Една година добив прекрасен бокал за вода“. додаде тој.

Харолд открил дека и тој му дарувал подароци и честитки за Чарлс.

„Секогаш му пишував честитка и му носев подарок. Се сеќавам дека немаше смисла да му дадам нешто скапо. Тешко е да се избере кога човек има сè. Но, знаев дека сака мед, па му подарував тегла мед или колачи од мед, нешто во што знаев дека ќе ужива“, рекол Харолд.

ФОТО | И идните кралеви се луѓе: Принцот Чарлс сам си го мести креветот и се капе исклучиво во млака вода

Чарлс Трети прогласен и за крал на Шкотска, Велс и Северна Ирска