Свеченото доделување на наградите Еми е закажано за 13 септември, но некои награди се доделуваат порано.

Поранешниот американски претседател Барак Обама ја доби американската телевизиска награда Еми како најдобар раскажувач во документарната серија „Нашите големи национални паркови“, објави во саботата вечерта Американската телевизиска академија.

Обама е вториот американски претседател кој доби Еми. Пред него, Двајт Ајзенхауер ја доби наградата во 1956 година. Во тој случај тоа беше почесна награда Еми.

Откако ја напушти претседателската функција во 2017 година, Обама напиша мемоари заедно со сопругата Мишел. Двајцата основаа непрофитна фондација и покренаа продукциска куќа која потпиша договор со „Нефликс“ вреден неколку десетици милиони долари.

Покрај наградите Еми и Греми за аудио верзиите на неговите мемоари „Смелоста на надежта“ и „Соништата од татко ми“, Обама, претседател на САД од 2009 до 2017 година, ја доби и Нобеловата награда за мир.

Таа награда ја доби по победата на претседателските избори во ноември 2008 година, за „исклучителните напори за зајакнување на меѓународната дипломатија и соработката меѓу народите“.

Обама на КОП26: Не направивме доволно, да се обединиме за да одиме напред

Барак Обама „чува“ тајна за можното постоење на вонземјани: Има преку 26 илјади документи со извештаи за НЛО!