Американскиот претседател Џо Бајден ги нарече јеменските Хути терористичка група, откако американски и британски воени авиони, бродови и подморници извршија десетици воздушни напади низ Јемен во текот на ноќта.

Бајден рече дека Вашингтон ќе одговори на Хутите доколку продолжат со, како што рече, „безобразното“ однесување.

„Мислам дека се“, им рече Бајден вчера на новинарите на прашањето дали е подготвен да ги нарече Хутите терористичка група. „Ќе се погрижиме да одговориме на Хутите доколку тие продолжат со ова срамно однесување заедно со нашите сојузници“, додаде тој.

Белата куќа претходно соопшти дека САД не сакаат војна со Јемен, но дека нема да се двоумат да преземат дополнителни чекори. „Не е важно дали тие се етикетирани како терористи. Собравме група нации кои ќе кажат дека ако продолжат да дејствуваат и да се однесуваат како што постапуваат, ние ќе одговориме“, рече Бајден.

Тој, исто така, рече дека е загрижен за влијанието на војната на Блискиот Исток врз цената на нафтата.