Бајден: Посветеноста на САД за безбедноста на Израел е „железна“
Американскиот претседател Џо Бајден денеска, по состанокот со тимот за национална безбедност, објави дека посветеноста на САД за безбедноста на Израел е „железна“.
-Само што се сретнав со мојот тим за национална безбедност во врска со иранските напади врз Израел. Нашата посветеност на безбедноста на Израел е железна – напиша Бајден на социјалната мрежа Икс.
I just met with my national security team for an update on Iran’s attacks against Israel. Our commitment to Israel’s security against threats from Iran and its proxies is ironclad. pic.twitter.com/kbywnsvmAx
— President Biden (@POTUS) April 13, 2024
Светот изрази голема загриженост поради иранскиот напад врз Израел
Бајден го прекина своето викенд патување во Делавер за да разговара за настаните на Блискиот Исток, пишува Ерусалим Пост.
Претседателот на САД претходно беше информиран за ситуацијата на Блискиот Исток од советникот за национална безбедност Џејк Саливан и главниот заменик советник за национална безбедност Џон Фајнер. Секретарот за одбрана Лојд Остин, државниот секретар Ентони Блинкен и началникот на Генералштабот, генерал Чарлс Браун присуствуваа на состанокот, заедно со Саливан и Фајнер.
Иран синоќа лансираше стотици беспилотни летала и крстаречки ракети кон Израел како одмазда за нападот врз иранскиот конзулат во Дамаск, во кој загинаа командантот на Револуционерната гарда во Сирија и Либан, Мохамад Реза Захеди и неговиот заменик, како и пет офицерите кои ги придружувале.
Иран лансираше серија балистички ракети во правец на Израел, објавија иранските медиуми.
