Рускиот кошаркарски клуб Автодор предводен од македонскиот тренер Емил Рајковиќ имаше одлична сезона досега во ФИБА Европа купот, но поради руската агресија врз Украина, Автодор е исфрлен од натпреварувањето.

Го освои првото место во групата „Л“ со учинок од пет победи и еден пораз и четвртфиналниот плеј-оф требаше да игра против романската екипа на Орадеа.

Местото на рускиот претставник ќе го заземе данскиот состав на Бакен Берс кој беше третопласиран во групата „Л“.

Денеска на својот официјален клупски сајт, Автодор објави дека одлуката на ФИБА беше очекувана, но дополнително се покажа сурова.

Тимот ја имаше својата најдобра европска сезона во изминатите неколку години, и пред почетокот на плеј-офот важеше за главен фаворит во ова натпреварување.