Во изминатиот период хрватските медиуми објавија дека македонскиот интернационалец Аријан Адеми би можел да ја продолжи кариерата во словенечкиот фудбалски клуб Марибор.

Но, денеска има нови информации кои велат дека Марибор ќе останат без планираното засилување.

Најавите се дека легендарниот играч за врска, долгогодишен член и капитен на Динамо Загреб, навистина ќе го напушти Максимир.

Адеми, кој најверојатно наскоро ќе го раскине договорот со „модрите“, наводно е заинтересиран да остане во Хрватска.

Се шпекулира дека интерес за 34-годишниот играч покажува Локомотива Загреб.