Голем пожар во Општина Зелениково помеѓу селата Вражани и Моране, гори висока сува трева, нискостеблесто деградирано, смрека и млада дабова и габерова шума.

-Екипи на БППЗ Скопје со возила се на терен, но еден крак од пожарот е веќе пројден на висок и непристапен терен. Поради теренската проценка која укажува дека е неопходна воздушна подршка, испратен е еден хеликоптер на МВР да помогне во гаснењето на пожарот- вели директорот на ЦУК- Сојанче Ангелов.

Тој информираше дека три ер трактори од Дирекцијата за заштита и спасување од 11:00 до 14:20 часот во три налети дејствуваа, а со тоа пружија воздушна подршка на силите Ј.П ,Национални шуми, Подружница Бабуна Велес, кои веќе трет ден го гаснат големиот пожар кој изби на 01.10.2023 година во 16:25 часот, на отворен простор во месноста викана Ламја над с. Горно Јаболчиште. Теренот е непристапен, вегетацијата е сува и многу висока (голосек со голема количина суви гранки и висока трева), а поради силниот ветер оганот бргу се шири кон висококвалитетна шима.

Во моментов пожарот е локализиран, нема пламени јазици и чад но екипите работат на негово внатрешно гаснење, како и спречувањре на евентуална можноста за негово реактивирање.