Во интервјуто за специјализираниот веб портал за ракомет „Балкан-Хандбал“ зборуваше тренерот на актуелниот македонски, регионален и европски шампион Вардар, Стевче Алушовски.

Стратегот на „црвено-црните“ говореше за моменталната ситуација во клубот, каква е неговата иднина, најавата дека ќе го превземе Михајло Михајловски…

За следните можни засилувања, кои би останале од сегашниот состав, неговата кариера како професионален ракометар…Сака да ги задржи играчите кои се дел од составот, тука мисли дека Дибиров, Калараш, Чупиќ и останатите..

Потврди дека од следната сезона дресот на Вардар треба да го облече рускиот лев бек Дмитриј Санталов кој досега ги бранеше боите на Чеховски Медведи.

Негова желба е и да го ангажира репрезентативниот голман Никола Митревски кој што беше дел од Еурофарм Пелистер, кој и натаму го нема сеуште договорено трансферот во Порто.

А исто така имаше свое размислување околу одлуката на Филип Талески и Филип Кузмановски да направат трансфери во Германија.

– Мислам дека тие заминаа премногу рано и дека мораа да изберат помали клубови каде би биле носители на играта. Вардар, Пелистер и Металург се екипи кои се пандан на клубовите во Бундеслигата. Сакам да го вратам Талески во Вардар, тоа го кажувам јавно. Тој има понуда да биде член на Вардар од јуни. Зошто и како се гледа себеси во Германија, не можам да разберам. Ти си Македонец, живееш, работиш во твојата земја, во својот клуб, мислам дека нема ништо подобро. Нивната визија е различна, за мене е несфатливо, но мора да ја почитуваме нивната одлука – се зборовите на Алушовски.