Денеска во 12 коло од македонската ракометна Суперлига Вардар 1961 ја оправда фаворитската улога против Вардар Неготино (35:22).

Кај победникот Ќосевски реализираше осум голови, а еден повеќе на спротивната страна имаше Адамовиќ.

Тоа е 11 победа сезонава за скопските „црвено-црни“ и моментно прво место во групата „Б“ со 33 бодови, три повеќе од Еурофарм Пелистер кој својот меч ќе го има в сабота против Бутел.

Вардар Неготино по 10 пораз сезонава во шампионатот е на последното осмо место со шест бодови.

Во групата „А“ ракометарите на Алкалоид ја продолжуваат победничката серија, со убедливи 29:17 триумфираа над Струга.

По четири голови во триумфот придонесоа Савревски, Џонов и Младеновиќ, а за поразените пет погодоци запиша Бошњак.

На табелата Алкалоид по 12 победа во низа од стартот на сезоната е на првото место со 36 бодови, додека Струга е на четвртата позиција со 18.