Денес македонската такевондо федерација доби нов официјален спознор и тоа од компанијата Алкалоид.

На прес-конференцијата присуствувсаа претседателот на федерацијата, Борче Костовски, олимпиецот, Дејан Георгиевски и првиот човек на „Алаклоид“, Живко Мукаетов. Договорот кој го потпишаа двете страни е на најмалку две години.

„Благодарност до Алкалоид и до Живко Мукаетов, би сакам да напоменам дека нашето таеквондо во последната година бележи страшни резултати, несоодветни за македонското спортско поднебје. Покажавме дека со страст и работа не постои ништо невозможно. Годинава пред нас се уште неколку силни турнири, ова а предолимписка година и заслижуваме голема државна помош бидејќи се бориме за најмалку една олимписка норма“, изјави Костовски.

Свој збор имаше и олимпиецот Дејан Георгиевски.

„Навистина ми е мило што денес сме собрани тука да потврдиме дека македонското таеквондо е сериозна приказна. Благодарност до Алкалоид на големата поддршка. Можам да ветам дека ќе работиме напорно за повторно да ја израдуваме македонската јавност“, изјави Георгиевски.

Задоволство од соработката истакна и Мукаетов.

„Алкалоид како општествено одговорна компанија дава придонес за јакнење на македонската нација по сите основи. Ние го препознавме тоа што го работат овие млади амбициозни луѓе. Чест ни е што ќе бидеме дел од тимот што ќе се бори за успеси на Македонија. Среќен сум кога ќе видам луѓе што работат заедно максимално посветено и упорно“, изјави Мукаетов.

ИНТЕРВЈУ – Дејан Георгиевски: Сакам да донесам медал од Светското првенство