Граѓаните на Албанија и Косово имаат најниски годишни трошоци по глава на жител за облека и обувки, покажуваат податоците на Евростат. Колку помалку расположлив приход, толку е помало трошењето на потрошувачите за несуштински добра, поттикнувајќи купување на евтини производи.

Според податоците на Евростат, номиналните расходи по глава на жител на албанските граѓани во 2021 година биле 147 евра, што е многу пониско од просекот на Европската унија од 681 евра.

За Косово податоцитеод 2020 година се 130 евра по жител.

Сите земји од регионот, кои се и најсиромашни во Европа, помалку трошат на облека, каде што највисоко е забележано во Црна Гора, со 348 евра по глава на жител годишно.

Вкупно, трошоците за облека и обувки во Албанија за 2021 година, според Евростат, биле 413 милиони евра.

Европскиот рекорд за облека го држат Норвежаните, Австријците и Данците, со над 1.000 евра по глава на жител годишно, под влијание и на високите цени на облеката во овие земји, но не заостануваат ниту Италијанците (943 евра), кои , иако не се толку богати што нордиските земји трошат многу за облека, како да ја „оправдуваат“ перцепцијата дека се центар на модата.