Илустрација / Фото: Pexels / Waldemar

Ако сте родени во еден од овие 6 хороскопски знаци, загарантирано ќе добиете на лото, тврдат водечките астролози

Некои луѓе едноставно имаат среќа – без разлика дали нивниот омилен тим секогаш победува или никогаш не ги фаќа дожд додека се надвор. Шансите можеби се на нивна страна, но астрологијата можеби крие уште еден одговор зошто некои луѓе имаат поголема веројатност да добијат на лотарија.

Астролозите за „Најдобар живот“ (Best Life) ги открија шесте хороскопски знаци кои имаат најголеми шанси да освојат награди – од мали добивки на игри со гребење до вистински џекпот на лото!

Бик

„Биковите обожаваат парите, особено сигурноста што им ја обезбедуваат – како  љубовта кон богатството да е дел од нивната суштина“, вели астрологот Лорен ДеГолија.

Бидејќи се земјени знаци на хороскопот, тие се приземни и трпеливи, па нема да избрзуваат со одлуките, туку внимателно ќе ги разгледаат сите опции и можности.

„Благодарение на нивниот непоколеблив пристап и мудрите финансиски одлуки, Биковите ги претвораат своите амбиции во опипливи награди“, додава астрологот Ракел Родригез.

Токму тоа им дава предност кога станува збор за добивање на лотарија.

Риби

Рибите се познати по својата исклучителна интуиција и поврзаност со духовниот свет, што им овозможува да привлечат среќа и позитивни вибрации.

„Нивната интуитивна природа им помага да препознаат невидливи енергии и суптилни знаци, што им дава предност во игрите на среќа“, објаснува астрологот Рејчел Клер.

Освен тоа, планетата Нептун им носи дополнителна доза на магија и способност да ги манифестираат своите желби.

„Рибите како да имаат директна телефонска линија со универзалната лотарија!“, се шегува Клер.

Стрелец

Стрелците се познати по својата авантуристичка страна и подготвеноста да ризикуваат, што ги прави одлични кандидати за големи добивки.

– Нивниот оптимизам, отвореност и склоност да преземаат ризици ги водат до возбудливи можности – вели Родригез.

– Тие никогаш не ја пропуштаат можноста – „Го зграпчуваат животот за рогови и играат додека не освојат нешто, макар тоа да е симболично!“  – додава Клер.

Исто така, како променлив знак, Стрелците брзо се прилагодуваат и секогаш испробуваат нови стратегии кога играат лотарија.

Лав

„Лавовите, со својата огромна самодоверба и оптимизам, најчесто веруваат во сопствената среќа и имаат шанси да освојат големи добивки на лотарија“, истакнува Родригез.

Како огнен знак, тие не само што обожаваат нови предизвици, туку и поразот не ги обесхрабрува. Напротив, ќе продолжат да се обидуваат додека не победат.

„Нивната верба во себе, во комбинација со шармот, често носи среќа во игрите на среќа“, вели Родригез.

Овен

Овните се познати како натпреварувачки луѓе кои обожаваат да победуваат и ретко се откажуваат.

„Нивното силно чувство за вера и одлучност ги зголемува нивните шанси за добивка“, тврди ДеГолија.

На игрите на среќа им приоѓаат со енергија и страст, а нивниот ентузијазам привлекува позитивни исходи.

„Овенот игра со оптимизам и одлучност, палејќи го огнот на среќата со чиста сила на волјата“, додава Клер.

Вага

Вагите се симбол на рамнотежа и хармонија, а универзумот често ги наградува за нивната добрина.

„Нивната тенденција да шират позитивни вибрации и да решаваат конфликти често им носи кармички награди“, вели Клер.

Благодарение на својата потреба за рамнотежа и правда, Вагите се еден од знаците кои најверојатно ќе освојот нешто на лотарија.

Ако сте меѓу овие среќни знаци, можеби е време да си ја пробате среќата! Којзнае, можеби ѕвездите токму сега ви се наклонети?

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот