Актерката Слобода Миќаловиќ синоќа заврши во Ургентниот центар, откако се степала со извесна С.Д. (47), која претходно ја нападнала. Конфликтот се случил на плоштадот „Караѓорѓев трг“ во Земун.

Дежурниот јавен обвинител наредил полицијата да ја собере целата медицинска документација, да го достави видеото од надзорните камери и да изврши разговор со актерката и минувачката со која кога дошла во конфликт како и со сите сведоци на настанот.

Како што пренесуват медиумите, до инцидентот дошло кога Слобода која управувала со своето возилото,  во еден момент наводно со предниот дел од автомобилот, ја удрила во С.Д. во пределот на коленото, што довело до вербален, а потоа и физички конфликт. Како што пишува „Реплублика“, кај С.Д. било утврдено присуство на алкохол во крвта.

По пристигнувањето на брзата помош, Слобода се пожалила на болки во главата и коленото, по што била пренесена во ургентниот центар. При прегледот било констатирано дека актерката има хематоми на коленото, како и повреди на главата поради повторени удари, кои предизвикале интензивна болка. Според „Република“, по прегледот, Слобода го напуштила Ургентниот центар на службениот влез, за да не биде забележана од присутните медиумски екипи.

Сопругот на Слобода, Војин Ќетковиќ синоќа кратко проговори за тамошните медиуми, поточно на груб начин се обрати до новинарите.

– Ајде, ве молам, бидете малку посериозни во оваа ситуација – накратко изјави Војин, а потоа го завршил разговорот, очигледно емотивно потресен од настанот, не сакајќи дополнително да коментира.

Слобода Миќаловиќ претепана! Српската актерка пренесена во Ургентен центар во Белград