Жена уапсена на Косово, бараше одмазда за смртта на иранскиот генерал
Според полицијата во упадот во нејзиниот дом се најдени неколку електронски уреди и други релевантни докази.
Претставници на полицијата во вторникот ја уапсија Икбале Бериша- Худити, која на социјалните мрежи јавно критикуваше за убиството на иранскиот генерал, Касем Сулејман, заканувајќи се дека ќе има одмазда за неговото убиство.
Таа е позната во јавноста за своите врски со иранските официјални лица. Според полицијата во упадот во нејзиниот дом се најдени неколку електронски уреди и други релевантни докази.
-Во текот на претресот во домот на осомничената се најдени неколку електронски уреди и други релевантни докази. Осомничената е уапсена и со наредба на Обвинител е испратена на издржување-се вели во извештајот.
Икбале Бериша- Худути ги критикуваше лидерите кои го подржаа нападот на САД. Таа имаше споделено напис на BBC и пишуваше дека одмаздата за смртта на генералот набрзо ќе дојде.
-Се очекува одмазда. Синџир на дејствија и одмазда може да ги приближи двете земји во директна конфронтација. Иднината на Ирак и Вашингтон може да биде доведено во прашање. Стратегијата на Трамп, ако и воопшто ја има за регионот може да се тестира како никогаш порано. Филип Гордон, кој беше координатор за Блискиот Исток и Персискиот Залив го опиша убиството како малце повеќе од изјава за војна на американците кон Иран- пишуваше Игбале Худити.
Таа во Косово има отворено и верска фондација.