Засладете го ова попладне со овој божествен и сочен рецепт…

Состојки:

– половина килограм тенки готови кори
– 4 јајца
– 350 грама шеќер
– 200 мл масло
– 150 грама презла
– 1 кесичка прашок за печиво
– 300 грама вишни (замрзнати, од компот…)
– 200 мл вода
– ванилин шеќер

Подготовка:

– Јајцата, маслото и половина од количината шеќер измешајте ги, па додадете ја и презлата и прашокот за печиво.
– На дното од тавата за печење со димензии 40 см на 25 см наредете една четвртина од корите, па премачкајте ги со половина од смесата од јајца и ставете дел од вишните, прекријте со нова кора.
– Постапката повторувајте ја се додека не ги потрошите сите состојки, а на врвот завршете со кори.
– Печете на 185 целзиусови степени околу 45 минути, додека горната кора да добие златножолта боја и не стане крцкава.
– Сварете го шеќерот, ванилиниот шеќер и водата, па прелијте ја пречената баклава.