Некогашен симбол на убавината и чистотата на Скопје, кејот на Вардар денес претставува срам за скопјани, запоставен и запуштен, велат од Либерално-демократската партија, од каде повторно прашуваат дали Скопје има градоначалник.

 Кејот на Вардар, кој требаше да биде гордост на главниот град, денес е неискосен и неисчистен, со непристојни количества отпад и диво израсната вегетација. Ова не само што влијае на изгледот на нашиот град, туку претставува и сериозен ризик по здравјето и безбедноста на граѓаните – истакнуваат од ЛДП.

Оттаму апелираат до надлежните институции итно да преземат мерки за расчистување и одржување на овој важен јавен простор.

Кејот на Вардар заслужува да биде вратен во својата полна слава и повторно да стане место на гордост за сите скопјани. Повикуваме на одговорност и посветеност од страна на локалните власти во исполнувањето на нивните обврски кон граѓаните – се вели во соопштението од партијата.