„Најважно ми е по натпреварот да седнеме, да се погледнеме во очи и да кажеме дека дадовме сè од себе“, изјави фудбалскиот тренер на Црвена звезда, Барак Бахар во пресрет на вечерашниот натпревар од првото коло во Лигата на шампионите против Манчестер сити.

Белградските „црвено-бели“ во рамките од групата „Г“ од 21.00 часот ќе играат против „граѓаните“ кои се актуелни европски шампиони. Претходно од 18.45 часот во истата група Јанг Бојс ќе биде домаќин на Лајпциг.

– Да ​​бидеме и храбри и паметни. Нема да зборувам за тоа што ќе променам сега, но мора да се подготвиме, да го подигнеме нивото на играта и да се погрижиме сè да оди според планираното. Се надевам на добар ден за нас, а лош за Манчестер сити – вели Бахар, чиј тим ја чека и најтешката и „најлесната“ задача, бидејќи има малку да загуби, а многу да добие.

Let's get down to business ?#UCL pic.twitter.com/WstW56jlOQ

— UEFA Champions League (@ChampionsLeague) September 19, 2023

Менаџерот на Манчестер сити, Пеп Гвардиола истакна дека очекува победа, но и ја искористи можноста да се потсети на своите први „допири“ со Црвена звезда.

– Бев мал, но се сеќавам кога Диего Марадона постигна лоб гол во Белград. Се сеќавам и на мојот натпревар во 1996 година против Звезда во Белград. Не одигравме добро, а таму секогаш има убава и жешка атмосфера – рече Гвардиола.

Лига на шампиони 2023/2024

View this post on Instagram

A post shared by FK Crvena zvezda (@crvenazvezdafk)

1. коло, двојки –
Денеска

18.45 часот
Милан – Њукасл
Јанг Бојс – Лајпциг

21.00 часот
Барселона – Антверпен
Феенорд – Селтик
Лацио – Атлетико Мадрид
Манчестер сити – Црвена звезда
ПСЖ – Борусија Дортмунд
Шахтјор Доњецк – Порто