Започнаа промените во Баерн: Си заминува човекот кој ги откри Дејвис и Мусиала
Големата чистка во Баерн која ја најавуваа германските медиуми започна уште пред сезоната да заврши. Неочекувано од клубот потврдија дека заминува техничкиот директор Марко Непе (37) кој во клубот помина десет години.
Непе на позицијата технички директор дојде пред две години и три месеци, претходно од 2017-та година беше главен скаут на Баерн и во таа улога имаше прилично голем успех. Според изјавата на претседателот на Баерн Јан-Кристијан Дресен разделбата е спогодбена.
„Сакам да му се заблагодарам на Непе на долгата и плодна соработка. Во текот на тој период славевме многу успеси и Непе е заслужен за откривање на таленти како Алфонсо Дејвис и Џамал Мусиала кој во Баерн созреаа во играчи од светска класа. Непе беше важен фактор во планирањето на тимот и создаде одлична скаутска мрежа преку која реализираше бројни трансфери“, изјави Дресен.
Во јавноста се огласи и самиот Непе кој се заблагодари на довербата.
„Му благодарам на Баерн на довербата во изминатите години. Беше предизвикувачки, возбудливо и успешно, освоивме тројна круна во 2020 година. На Баерн и на навивачите им посакувам најголеми успеси. Среќен сум што имав прилика Баерн да биде дел од мојата кариера“, изјави Непе.
Ќе потсетиме, од претходно веќе е познато дека на крајот на сезоната заминува Томас Тухел и сигурно дека ќе има и промени во играчкиот кадар.
After 10 successful years: FC Bayern and Marco Neppe end their cooperation.
— FC Bayern Munich (@FCBayernEN) April 5, 2024