Германците први го најавија враќањето на фудбалот после двомесечната пауза поради пандемијата на коронавирусот.

Пред празни трибини се играат веќе натпреварите во првата и втората германска лига, со практикување на здравствениот протокол.

И натаму нема официјални информации околу првенствата во Англија, Италија и Шпанија, претходно Французите одлучија предвреме да ја завршат сезоната, а крај прогласија уште Малта, Кипар, Белгија и Холандија.

Англиската Премиер лига и шпанската Ла Лига се надеваат дека ќе продолжат на 12 јуни, а еден ден подоцна и италијанската Серија А, играчите веќе тренираат индивидуално и групно, но и натаму „зелено светло“ од тамошните власти за продолжување на шампионатите.

Во 13 други европски земји веќе е познато рестартирањето на фудбалските лиги, освен доколку не се случи итна состојба поврзана со инфекцијата.

Распоред:

Естонија – 19 мај
Чешка – 23 мај
Унгарија – 23 мај
Данска – 28 мај
Полска – 29 мај
Израел – 30 мај
Србија – 30 мај
Албанија – 2 јуни
Австрија – 2 јуни
Бугарија – 5 јуни
Хрватска – 5 јуни
Романија – 5 јуни
Исланд – 13 јуни

Како што е веќе познато, в понеделник Фудбалската федерација на Македонија ќе одлучи дали или кога евентуално би продолжила натпреварувачката сезона 2019/2020 во Првата лига.